Senati australian dënon senatoren sepse kërkoi sanksione ndaj Izraelit
Senati i Australisë votoi 50 ndaj 11 për të ndëshkuar senatoren e Partisë së Gjelbër, Mehreen Faruqi, pasi ajo mbajti një pankartë në sallën e Senatit ku shkruhej “Gaza po vdes nga uria, fjalët nuk i ushqejnë, vendosni sanksione ndaj Izraelit”, raporton transmetuesi australian ABC.
“Veprimi i senatores Faruqi, e cila përdori një pankartë politike si rekvizit, duke qenë në dijeni se kjo shkel rregulloren e seancave, përfshiu Guvernatorin e Përgjithshëm, Kryegjyqtarin dhe Zëvendësgjyqtarin në një debat politik që është jashtëzakonisht i papërshtatshëm,” tha Presidentja e Senatit, Sue Lines.
Qeveria australiane ishte një nga 25 vendet që nënshkruan të hënën një letër të përbashkët, duke kërkuar nga “qeveria izraelite të heqë menjëherë kufizimet mbi rrjedhën e ndihmave” drejt Gazës.
