Dhunë në Kupën e Kroacisë, plagosen tre policë, arrestohen dhjetëra tifozë… (video)
Të paktën tre policë u plagosën dhe më shumë se pesëdhjetë persona u arrestuan pas përleshjeve në ndeshjen midis Hajduk Splitit dhe Dinamo Zagrebit, njoftoi policia kroate këtë të enjte.
Përplasjet filluan pas fishkëllimës së fundit të ndeshjes gjysmëfinale të Kupës së Kroacisë të së mërkurës në Split, të cilën Dinamo Zagreb e fitoi 1-0, me golin e Sandro Lukenoviç, në minutën e 14-t.
Dhjetëra tifozë ultra të Hajdukut të Splitit pushtuan fushën për të sulmuar lojtarët dhe tifozët e Dinamo Zagrebit, sipas autoriteteve, të cilët i shtynë ata përsëri në tribunë, ku ata grisën dhe hodhën sediljet ndaj oficerëve.
Lojtarët e Dinamo Zagrebit u detyruan të vrapojnë drejt dhomave të zhveshjes për t’u strehuar. Në rrugët përreth stadiumit, grupe ultra tifozësh sulmuan vazhdimisht policinë, duke hedhur ndaj tyre bomba tymuese, shishe, gurë dhe sende të tjera, ndërsa tre oficerë u detyruan të shtroheshin në spital.
Një automjet policie është dëmtuar dhe 51 persona janë ndaluar. “Asgjë nuk e justifikon dhunën. Më vjen keq për këto skena dhe shpresoj që të mos i shohim më në qytetin tonë”,- ka shkruar kryetari i komunës së Splitit, Ivica Puljak, në rrjetin social Facebook.
Hajduk Split – Dinamo Zagreb : les incidents se sont poursuivis à l’extérieur du #Poljud, après la nouvelle défaite du #Hajduk face au Dinamo (03.04.24) pic.twitter.com/grT6gpWVHb
— 1899 Mode Ultrà (@ultras1899_) April 3, 2024
