Zv/kryeministri i parë Bekim Sali: Ministrat e rinj do t’i japin energji të re reformave dhe programit qeverisës

Zëvendëskryeministri i parë, Bekim Sali, ka reaguar pas votimit të ministrave të rinj në Kuvend, duke vlerësuar se ata do të forcojnë ekipin qeveritar dhe do të çojnë përpara reformat.

“Votimi në Kuvend i ministrave të rinj dëshmon se VLEN, përveç përkushtimit për realizimin e programit qeverisës, ka vullnetin të forcojë ekipin me kuadro të përgatitura, përgjegjëse dhe me energji të re për të çuar përpara reformat dhe prioritetet e vendit.

Ministrave të sapozgjedhur u uroj shumë suksese në detyrën e tyre dhe jam i bindur se do t’u prijojnë me përkushtim proceseve reformuese, në shërbim të qytetarëve dhe të ardhmes evropiane të Republikës së Maqedonisë së Veriut.”deklaroi Sali.