VMRO‑DPMNE: Filipçe e ka të qartë epilogun me zgjedhjet dhe prandaj ikën nga ballafaqimi me qytetarët
Qëndrimet e Filipçes, sipas partisë në pushtet, janë nën ndikimin e ish‑kryeministrit dhe liderit të LSDM, Zoran Zaev
„Nga Hëna shihet se atij dhe mbeturinës u është e qartë çfarë debakli do të përjetojnë dhe si do të mposhten nga qytetarët“, shtohet në komunikatën e partisë.
Lideri i opozitës, Lidhja Socialdemokrate (LSDM), Venko Filipçe, në çdo paraqitje publike i përsërit tre postulatet e partisë, si përhapje gënjeshtrash, manipulimesh dhe dezinformatash. Kjo është reagimi i VMRO‑DPMNE ndaj konferencës për shtyp të Filipçes, në të cilën ai tha se partia e tij është e gatshme për zgjedhje, me ekipin dhe me programin, edhe nëse ato ndodhin nesër. Në komunikatën e partisë thuhet se Filipçe nuk ka kontakt me realitetin dhe se qëndrimet e tij janë nën ndikimin e ish‑kryeministrit dhe liderit të LSDM, Zoran Zaev.
„Venko është krejtësisht i shkëputur nga realiteti. Ajo që ia dikton Zaev, atë e përsërit. Krimineli i aboluar Zaev, në jahtin e tij milionësh në Greqi, i dikton çfarë të thotë para mediave dhe ia krijon perceptimin, ndërsa Filipçe si ndjekës i tij, e përsërit të njëjtën gjë. Sa i përket zgjedhjeve, epilogu i është i qartë, prandaj edhe ikën nga ballafaqimi me qytetarët“, thonë nga VMRO‑DPMNE.
Prej andej shtojnë se të dhënat zyrtare statistikore të Entit Shtetëror të Statistikës i demantojnë pretendimet e liderit të LSDM.
Sa i përket zgjedhjeve, nga VMRO‑DPMNE konsiderojnë se i vetmi njeri që nuk do zgjedhje dhe ikën prej tyre është pikërisht Filipçe dhe, siç shtojnë, mbeturina nga LSDM.
„Nga Hëna shihet se atij dhe mbeturinës u është e qartë çfarë debakli do të përjetojnë dhe si do të mposhten nga qytetarët“, shtohet në komunikatën e partisë.
Filipçe sot njoftoi se LSDM është e gatshme për zgjedhje me ekipin dhe me programin. Megjithatë, ai porositi se partia e tij nuk do të jetë alibi për zgjedhje të parakohshme parlamentare.
Sipas tij, arsyeja kryesore pse pushteti mendon për zgjedhje është se ka shpenzuar mjetet buxhetore dhe përballet me probleme financiare në ekonomi.
Deklarata e Filipçes vjen pasi kryeministri Hristijan Mickoski javën e kaluar e aktualizoi çështjen e zgjedhjeve të parakohshme parlamentare dhe tha se pushteti është i gatshëm për atë cikël nëse opozita e kërkon.
