Turqia do të presë takimin e tretë të kryediplomatëve të Egjiptit, Pakistanit dhe Arabisë Saudite në Antalya

Ministri i Punëve të Jashtme i Turqisë, Hakan Fidan do të presë takimin e tretë të shefave të diplomacisë të Turqisë, Egjiptit, Pakistanit dhe Arabisë Saudite në margjinat e Forumit të Diplomacisë në Antalya 2026, raporton Anadolu.

Sipas burimeve nga ministria turke, takimi do të zhvillohet sot në Antalya nën kryesimin e kryediplomatit turk Fidan. Ata pritet të diskutojnë për çështje rajonale brenda një kornize pronësie rajonale, me fokus në gjetjen e zgjidhjeve rajonale për sfidat rajonale, veçanërisht luftën e SHBA-së dhe Izraelit ndaj Iranit që vazhdon.

Fidan më parë mori pjesë në një takim më të gjerë rajonal të mbajtur më 18 mars në kryeqytetin saudit Riad, i cili mblodhi kryediplomatët të Turqisë, Azerbajxhanit, Katarit, Bahreinit, Egjiptit, Jordanisë, Kuvajtit, Libanit, Pakistanit, Arabisë Saudite, Sirisë dhe Emirateve të Bashkuara Arabe për të diskutuar zhvillimet e fundit rajonale.

Në margjinat e atij takimi, Fidan gjithashtu zhvilloi një takim tjetër katërpalësh me homologët e tij nga Pakistani, Egjipti dhe Arabia Saudite. Takimi i dytë në këtë format u mbajt në kryeqytetin pakistanez Islamabad më 29 mars, si vazhdim i këtyre bisedimeve.

Së fundmi, një tjetër takim në nivel zv/ministrash të jashtëm u mbajt në Islamabad më 14 prill.