Të paktën 40 shtetas të huaj të vdekur në tragjedinë në Venezuelë

Tërmetet shkatërruese të njëpasnjëshme në Venezuelë kanë vrarë të paktën 920 persona, sipas zyrtarëve.
Midis tyre janë një numër shtetasish të huaj.

Në një përditësim nga Baza Ajrore Beja mbrëmë, Sekretari i Shtetit për Komunitetet Emídio Sousa tha se 28 shtetas portugezë ishin vrarë, sipas mediave lokale, raporton BBC, transmeton Klankosova.tv.

Shtatë shtetas kinezë kanë humbur jetën në këtë tragjedi, raportoi Agjencia e Lajmeve Xinhua duke cituar ambasadën kineze në Venezuelë.

Mediat spanjolle raportojnë se pesë shtetas janë vrarë dhe 119 mbeten të zhdukur, duke cituar Ministrin e Jashtëm José Manuel Albares.

Dy shtetas brazilianë ishin gjithashtu midis të vrarëve, konfirmoi qeveria.

Ministria e jashtme e Italisë raporton vdekjen e një shtetasi italo-venezuelian pas tërmeteve të dyfishta.