ShBA-ja dhe Rusia votojnë kundër rezolutës së OKB-së që dënon luftën e Rusisë kundër Ukrainës

Asambleja e Përgjithshme e Kombeve të Bashkuara sapo ka votuar mbi rezolutat në përvjetorin e pushtimit rus të Ukrainës.

Është miratuar një rezolutë e paraqitur nga Ukraina që dënon agresionin e Rusisë.

Ajo i referohet “pushtimit në shkallë të plotë të Ukrainës nga Federata Ruse”, dhe kujton nevojën për të zbatuar të gjitha rezolutat e mëparshme të asamblesë “të miratuara në përgjigje të agresionit kundër Ukrainës”.

Pro rezolutës ishin 93 vota, 65 abstenuan dhe 18 votuan kundër.

Ndërkohë, një rezolutë e veçantë ishte paraqitur nga SHBA, e cila nuk përmendte integritetin territorial të Ukrainës.

Më pas rezoluta u ndryshua nga vendet evropiane, të cilat përfshinin referenca për sovranitetin e Ukrainës.

Ky version i ndryshuar është miratuar – por SHBA zgjodhi të abstenonte nga votimi për rezolutën e vet pas amendamenteve.

Asambleja e përgjithshme hodhi poshtë gjithashtu një amendament të propozuar rus për rezolutën e hartuar nga SHBA.