Lideri i opozitës, Ali Ahmeti: Ne nuk luftojmë për pushtet, por për përparimin e vendit
Në mbledhjen e Këshillit të Përgjithshëm të partisë, lideri i BDI-së, Ali Ahmeti tha se kanë dëshmuar se nuk janë të lidhur për grada por janë të interesuar për procese qe vendin e çojnë përpara dhe krijojnë stabilitet politik dhe etnik dhe shtoi se, Maqedonia e Veriut ka ardhmëri kur komunitetet më të mëdha janë në harmoni.
Lideri i BDI-së, Ali Ahmeti tha se do të demonstrojnë pakënaqësitë e tyre për mosrepsektim të legjitimitetit të BDI-së dhe Frontit Europian.
Ahmeti gjithashtu tha se qeveria aktuale nuk ka legjitimitet etnik dhe njoftoi se, do t’i shpjegojnë opinionit se Maqedonia e Veriut ka perspektivë dhe ardhmëri duke e respektuar votën e lirë dhe legjitimitetin që buron nga sovrani.
