Pas reagimit të zv/kryeministrit Bekim Sali, tabela e Urës së Gurit vendoset edhe në gjuhën shqipe
Pas përurimit të ndriçimit të ri në Urën e Gurit në Shkup, vëmendje të madhe shkaktoi mungesa e gjuhës shqipe në tabelën informuese të vendosur pranë urës, raporton Zyrtare.net
Pas reagimeve për këtë çështje dhe reagimit të zëvendëskryeministrit Bekim Sali, sot tabela është plotësuar edhe në gjuhën shqipe.
Mbishkrimi në shqip tashmë figuron krahas atyre në gjuhën maqedonase, turke dhe angleze, duke bërë që tabela informuese e një prej monumenteve më të njohura të Shkupit të jetë në katër gjuhë.
