Kisha historik në SHBA shndërrohet në xhami: Ndërtesa 157-vjeçare në Nju Jork merr një jetë të re

Një kishë historike në qytetin Utica, në shtetin e Nju Jorkut, është shndërruar në xhami, duke i dhënë një funksion të ri një ndërtese që për dekada shërbeu si vend adhurimi për komunitetin e krishterë.

Ish-Kisha “Central United Methodist”, e ndërtuar fillimisht në vitin 1869, u shërbeu besimtarëve të saj për 139 vjet, përpara se amortizimi ndër vite të çonte në mbylljen dhe braktisjen e saj.

Pas një periudhe jashtë përdorimit, ndërtesa historike tashmë po i shërben përsëri komunitetit lokal, këtë herë si vend adhurimi për myslimanët e Uticës.

Shndërrimi i kishës në xhami pasqyron ndryshimet demografike dhe larminë fetare të qytetit, ku hapësirat ekzistuese të adhurimit po marrin funksione të reja në shërbim të komuniteteve të ndryshme.

Rasti i kësaj ndërtese historike tregon se si objektet fetare mund të ripërdoren dhe të vazhdojnë të kenë një rol në jetën e komunitetit, edhe pas ndryshimit të funksionit të tyre fillestar.