Të gjitha asetet amerikane dhe izraelite në rajon janë “objektiva legjitime”, thotë një zyrtar i lartë iranian
Një zyrtar i lartë iranian i ka thënë Al Jazeera se po i bëjnë thirrje Izraelit të “përgatitet për atë që po vjen, dhe përgjigjja jonë do të jetë publike, pa vija të kuqe”.
“Të gjitha asetet dhe interesat amerikane dhe izraelite në Lindjen e Mesme janë bërë objektiv legjitim. Nuk ka më vija të kuqe pas këtij agresioni dhe gjithçka është e mundur, përfshirë skenarë që nuk janë marrë më parë në konsideratë,” ka deklaruar zyrtari.
“Shtetet e Bashkuara dhe Izraeli kanë nisur një agresion dhe një luftë që do të ketë pasoja të gjera dhe afatgjata. Nuk u befasuam nga agresioni i përbashkët amerikan-izraelit dhe kemi një përgjigje komplekse pa afat kohor,” theksoi ai, duke shtuar se çdo thirrje që Irani të tregojë përmbajtje ose të dorëzohet është “e papranueshme dhe thjesht dëshirë e kotë
