Bekim Sali: Ditë e shenjtë për identitetin kombëtar, e festuar me dinjitet në Çair
Deputeti i koalicionit VLEN, Bekim Sali, ka marrë pjesë mbrëmjen e sotme në aktivitetin solemn të organizuar në Teatrin Shqiptar në Shkup, me rastin e Ditës së Alfabetit. Ngjarja u organizua nga Komuna e Çairit në bashkëpunim me shkollat e kësaj komune, duke bashkuar nxënës, arsimtarë, artistë dhe qytetarë në një manifestim që nderoi figurat dhe vendimet historike të Kongresit të Manastirit.
Statusi i plotë i Bekim Sali në Facebook:
“Sonte në Teatrin Shqiptar, nën organizimin e Komunës së Çairit dhe shkollave të Çairit, me rastin e Ditës e Alfabetit, u zhvillua një aktivitet solemn që na rikujtoi edhe një herë rëndësinë historike të Kongresit të Manastirit dhe kontributin e rilindësve tanë në unifikimin e gjuhës shqipe.
Ishte një mbrëmje e mbushur me art, kulturë dhe emocion, që nderoi me dinjitet këtë ditë të shenjtë të identitetit tonë kombëtar.”
