Lufta në Gaza, 17 mijë fëmijë kanë mbetur jetimë, gjyshërit rrisin 36 nipër e mbesa

Viktimat e luftës në Gaza kanë lënë të paktën 17.000 fëmijë jetimë. Për një çift të moshuar palestinez, kjo tragjedi iu la një përgjegjësi të madhe pasi atyre u duhej të merrnin përsipër kujdesin e 36 nipërve dhe mbesave të tyre, të cilët humbën prindërit e tyre.
“Këta fëmijë kanë nevojë për kujdes. Ata kanë nevojë për ushqim, ujë dhe vëmendje të veçantë”, tha gjyshja e fëmijëve, Rida Aliwa.
Ajo shpreh se zgjohet në orën 3 të mëngjesit çdo ditë për të larë dhe për të ushqyer fëmijët pavarësisht moshës.

Gjyshi i fëmijëve, Hamed Aliwa, shpjegon se mbrojtja e tyre është edhe më e vështirë pasi ka mungesa të mallrave bazë, por edhe kërcënimi i vazhdueshëm i luftës nga Izraeli.

“Jetojmë nën zhurmën e vazhdueshme të dronëve që na mbajnë zgjuar gjithë natën dhe kemi frikë se lufta mund të fillojë përsëri”, shtoi ai.