Zvicra do të organizojë konferencë për mbrojtjen e civilëve palestinezë

Konferenca ndërkombëtare do të mbahet të premten dhe do të diskutojë mbrojtjen e civilëve palestinezë të prekur nga sulmet izraelite.

Në takim do të ftohen 196 nënshkruesit e Konventave të Gjenevës, ka bërë të ditur një zëdhënës i Ministrisë së Jashtme të Zvicrës.

Më 18 shtator, Asambleja e Përgjithshme e OKB-së i dha mandat Zvicrës për të organizuar këtë konferencë, pasi ajo është depozitare e traktateve ndërkombëtare që përcaktojnë rregullat e luftës dhe ligjin humanitar.

Sot është dita e fundit e fazës së parë të armëpushimit në Gaza, e cila mundësoi lirimin e pengjeve të mbajtura në Gaza dhe të të burgosurve palestinezë. Një fazë e dytë ende nuk është negociuar.

Ndërkohë, në Bregun Perëndimor të pushtuar, kolonët izraelitë kanë intensifikuar sulmet ndaj civilëve palestinezë, ndërsa ushtria izraelite ka nisur një operacion të madh që ka zhvendosur të paktën 40,000 palestinezë. /Al Jazeera/