Uji në Shkup është i sigurt për pije
Uji në Shkup është i sigurt për pije, informon NP Ujësjellësi dhe Kanalizimi Shkup, duke theksuar se sipas rezultateve të mara nga hulumtimet, të gjitha mostrat nga sistemi i furnizimit me ujë të qytetit të Shkupit përputhen me Rregulloren për kërkesat për siguri dhe cilësi të ujit për pije.
Nga Ndërmarrja Publike theksojnë se sot nga ana e Sektorit – Kontroll Sanitar janë marrë 42 mostra nga rrjeti i ujësjellësit të qytetit të Shkupit, prej të cilave katër mostra nga bunarët prej Nerezit – Lepencit.
Vëzhgimi, shtojnë nga NP Ujësjellësi dhe Kanalizimi Shkup bëhet sipas Rregullores për kërkesa për siguri dhe cilësi të ujit për pije nr.183/2018 (Shtojca 2, Pjesa B).
“Mostrat u morën sipas metodës MKC ISO 5667-5 të marrjes së mostrave – Pjesa 5: Udhëzime për marrjen e mostrave të ujit të pijshëm nga impiantet e trajtimit të ujit dhe sistemet e shpërndarjes së ujit. Të gjitha mostrat do t’i nënshtrohen analizave fiziko-kimike dhe mikrobiologjike në përputhje me Rregulloren për kërkesat për sigurinë dhe cilësinë e ujit të pijshëm Nr. 183/2018 (Shtojca 4, Kontrolli bazë A) në laboratorë të akredituar në Sektorin e Kontrollit Sanitar në përputhje me ISO 17025:2018. Sipas rezultateve të testeve, të gjitha mostrat nga sistemi i furnizimit me ujë i qytetit të Shkupit përputhen me Rregulloren për kërkesat për sigurinë dhe cilësinë e ujit të pijshëm (Gazeta Zyrtare e Republikës së Maqedonisë, nr. 183/18)”, theksojnë nga NP Ujësjellësi dhe Kanalizimi Shkup.
