Siljanovska-Davkova në Antalia: Theksohet partneriteti i fortë me Turqinë dhe mbështetja e TIKA-s
Presidentja e Maqedonisë së Veriut, Gordana Siljanovska-Davkova, në margjinat e Forumit Diplomatik në Antalia, ka zhvilluar një takim me presidentin e TIKA-s, Abdullah Eren, ku u konfirmua bashkëpunimi i shkëlqyer dhe partneriteti i fortë mes dy vendeve.
Gjatë takimit, ajo shprehu mirënjohje për mbështetjen e vazhdueshme të TIKA-s, duke theksuar ndikimin e projekteve të realizuara në fusha të ndryshme si arsimi, shëndetësia, trashëgimia kulturore dhe infrastruktura.
“U konfirmua bashkëpunimi i shkëlqyer dhe partneriteti i fortë maqedono-turk,” ka deklaruar Siljanovska-Davkova.
Ajo veçoi kontributin në sektorin e shëndetësisë, duke shtuar se “veçanërisht e rëndësishme është ndihma në pajisje moderne për Klinikën e radioterapisë dhe onkologjisë, që kontribuon në përmirësimin e shëndetit publik.”
