Shkon në 11 numri i të vdekurve nga sulmi në Graz

Ka shkuar në 11 numri i të vdekurve nga sulmi në një shkollë në qytetin Graz të Austrisë, të martën në mëngjes.

Viktima e 11-të ka vdekur në spital.

Ndërkohë nga 12 persona të tjerë që janë të plagosur, nëntë prej tyre raportohet se janë në gjendje të rëndë.

Autori i sulmit, një 21-vjeçar austriak, ka kryer vetëvrasje në një tualet shkolle pas aktit të tmerrshëm.

Sipas informacionit nga gazeta “Krone”, një shënim vetëvrasjeje u zbulua gjatë një kontrolli shtëpie në lagjen Graz-Umgebung.

Austria ka shpallur tre ditë zie kombëtare. Flamujt do të ulen në gjysmë shtizë dhe festimet publike do të anulohen ose shtyhen.