Sali: Mekanizmi për Reforma dhe Rritje përshpejton integrimin evropian
Zv/kryeministri i parë për Çështje Evropiane, Bekim Sali, njoftoi se sot është zhvilluar një takim online me përfaqësues të lartë të Komisionit Evropian për zbatimin e Agjendës së Reformave dhe Planit të Rritjes për Ballkanin Perëndimor, me pjesëmarrjen e kryeministrit dhe përfaqësuesve institucionalë.
Sipas Saliut, në takim mori pjesë edhe Gert Jan Koopman, së bashku me përfaqësues të tjerë të Komisionit Evropian, ku u diskutua për progresin e reformave, koordinimin institucional dhe hapat e ardhshëm në kuadër të Mekanizmit për Reforma dhe Rritje.
“Agjenda e Reformave mbetet instrument kyç për përshpejtimin e integrimit evropian dhe sjelljen e rezultateve konkrete për qytetarët”, theksoi Sali.
Ai vlerësoi se bashkëpunimi me institucionet evropiane është i rëndësishëm për avancimin e proceseve reformuese dhe realizimin e prioriteteve që lidhen me rrugën evropiane të vendit.
