Pothuajse 1.100 foshnja palestineze “të vrara” në luftën izraelite në Gaza
Pothuajse 1.100 foshnja palestineze janë vrarë në sulmet izraelite që nga tetori i vitit 2023, transmeton Anadolu.
Zyra për media e qeverisë së Gazës tha se 1.091 foshnja kanë humbur jetën gjatë sulmeve izraelite që nga tetori i vitit 2023, duke përfshirë 238 të porsalindur.
Që nga 7 tetori i vitit 2023, ushtria izraelite ka vazhduar luftën gjenocidale në Gaza që ka vrarë të paktën 45.550 viktima, kryesisht gra dhe fëmijë, pavarësisht rezolutës së Këshillit të Sigurimit të OKB-së që bën thirrje për një armëpushim të menjëhershëm.
Tel Avivi gjithashtu ka vendosur një bllokadë të plotë në enklavën palestineze, duke e lënë të gjithë popullsinë e territorit në prag të urisë.
Të hënën, autoritetet lokale shëndetësore thanë se të paktën shtatë persona, prej të cilëve shtatë foshnja, kanë ngrirë për vdekje për shkak të të ftohtit të dimrit mes bllokadës izraelite në enklavë.
Në muajin nëntor, Gjykata Penale Ndërkombëtare lëshoi urdhër-arreste për kryeministrin izraelit, Benjamin Netanyahu dhe ish-ministrin e Mbrojtjes, Yoav Gallant, duke i akuzuar për krime lufte dhe krime kundër njerëzimit në Gaza.
Izraeli për luftën e tij në enklavë gjithashtu përballet me një çështje gjenocidi në Gjykatën Ndërkombëtare të Drejtësisë.
