Nga Shkupi në Sofje për dy orë e gjysmë, rruga Rankovc – Kriva Pallankë do të jetë gati deri në fund të vitit

Autostrada e shpejtë Rankovc – Kriva Pallankë do të jetë gati deri në fund të vitit. Këtë sot e kanë bërë të ditur ministri i Transportit Aleksandar Nikoloski dhe drejtori i Ndërmarrjes Publike për Rrugë Shtetërore Koce Trajanovski, të cilët kanë inspektuar punimet ndërtimore në një pjesë të rrugës, duke theksuar se rruga është e gjatë 25 kilometra dhe 80 për qind e punimeve kanë përfunduar deri tani.

“Kjo rrugë është e gjatë 25 kilometra dhe është e ndarë në dy lote. Njëri është nga Stracini deri në Dlaboçicë në gjatësi prej 15 kilometrash, ndërsa loti i dytë është nga Dllaboçica deri në Kriva Pallankë në gjatësi prej 10 kilometrash. Vlera e gjithë investimit është 93.7 milionë euro, që do të thotë se loti i parë kushton 43 milionë euro, ndërsa i dyti rreth 50 milionë euro. Punimet kanë nisur në vitin 2018. Presim që të dy lotet të përfundojnë deri në fund të vitit. Njëra është 71 për qind e kompletuar dhe e dyta është rreth 91 për qind. Kjo rrugë do të mundësojë komunikim më të mirë me Kriva Pallankën, gjegjësisht nga Shkupi, përmes Kumanovës në Kriva Pallankë, që është pjesë e Korridorit 8 që lidh Sofjen dhe Shkupin”, ka thënë Trajanovski.

Sipas ministrit Nikoloski, kjo autostradë ekspres duhet të lidhë Kumanovën dhe Kriva Pallankën me një zgjidhje moderne rrugore dhe në këtë mënyrë të lidhë Kriva Pallankën me kryeqytetin Shkupin.

“Është edhe Komuna e Rankovcës, e cila duhet të lidhet me Kriva Pallankën dhe Kumanovën, por edhe me Shkupin. Për të arritur shpejt në Rankovce dhe Kriva Pallankë nga kryeqyteti, si mund të zhvillohet biznesi dhe njerëzit të fitojnë më shumë dhe të mund të qëndrojnë në vendet nga vijnë”, shpjegon Trajanovski.

Kjo rrugë e shpejtë, siç thotë Nikoloski, do të ndihmojë në përshpejtimin e komunikimit me Sofjen, gjegjësisht shkurtimin e kohës së udhëtimit nga Shkupi në Sofje.

Rruga është ndërtuar shumë ngadalë, siç tha ministri i Transportit Lupço Nikoloski, për arsye të pakuptueshme dhe ende nuk ka përfunduar shpronësimi i plotë i tokës ku kalon rruga.

“Kemi gjetur një projekt që ka ecur me ritme të ngadalta, që ka pasur problemet e veta në të kaluarën, por edhe një projekt që nuk i është kushtuar vëmendje. Por kjo është puna jonë. Qytetarët presin zgjidhje nga ne. Këtë herë do të jetë gati deri në Vitin e Ri”. deklaroi ministri i transportit.

Ndërtimi i autostradës është financuar pjesërisht nga një kredi nga Banka Botërore, si dhe një grant prej 14 milionë eurosh.