Irani: Takimi i së hënës në Oman do të fokusohet në një rrugë të re detare në Ngushticën e Hormuzit
Ministri iranian i Punëve të Jashtme, Abbas Araghchi, ka bërë të ditur se një takim i planifikuar të mbahet të hënën në Oman do të fokusohet në një rrugë të re detare përmes Ngushticës së Hormuzit, transmeton Anadolu.
Araghchi për Al-Araby Al-Jadeed tha se Teherani do t’u ofrojë vendeve pjesëmarrëse detaje të marrëveshjes së tij me Omanin dhe harta që lidhen me rrugën e re.
Ai theksoi se marrëveshja me Omanin “në asnjë mënyrë” nuk nënkupton rihapjen e Ngushticës së Hormuzit.
Araghchi tha se kushti i Iranit për rihapjen e kësaj rruge strategjike ujore është që SHBA-ja t’u rikthehet angazhimeve të saj sipas memorandumit të mirëkuptimit të Islamabadit.
Ai shtoi se Teherani beson se përgjegjësia për garantimin e sigurisë dhe stabilitetit në rajon u takon vetëm vendeve të rajonit.
Kryediplomati iranian shprehu shpresën se bisedimet e së hënës do t’i hapin rrugë konsultimeve të mëtejshme për çështje me interes të përbashkët mes vendeve të rajonit.
