“Ndalni çmendurinë e Trumpit”
Udhëheqësi i pakicës demokrate në Dhomën e Përfaqësuesve, Hakeem Jeffries, u bëri thirrje anëtarëve republikanë të Kongresit që të “ndalin çmendurinë”, pasi Presidenti Donald Trump kërcënoi se mund të “fshijë të gjithë civilizimin” e Iranit.
“Kongresi duhet t’i japë fund menjëherë kësaj lufte të pamend kundër Iranit, përpara se Donald Trump të na tërheqë në Luftën e Tretë Botërore”, deklaroi Jeffries në një postim në rrjetin X.
Ai shtoi se ka ardhur momenti që çdo republikan të vendosë detyrën patriotike mbi interesat partiake: “Është koha që secili republikan të vendosë detyrimin ndaj vendit mbi interesat e partisë dhe të ndalë këtë çmenduri. Mjaft më”.
