Nafta bie me 11%, pasi Irani njoftoi hapjen e Ngushticës së Hormuzit
Çmimet e naftës ranë ndjeshëm ndërsa kontratat e ardhshme të aksioneve u rritën të premten, pasi ministri i Jashtëm i Iranit deklaroi se Ngushtica e Hormuzit do të jetë “plotësisht e hapur” për transit tregtar gjatë pjesës së mbetur të armëpushimit.
Nafta Brent, standardi global, ra me 10.8%, në 88.70 dollarë për fuçi. Ndërsa WTI, standardi amerikan, u ul me 11%, në 81.20 dollarë për fuçi.
“Në përputhje me armëpushimin në Liban, kalimi për të gjitha anijet tregtare përmes Ngushticës së Hormuzit shpallet plotësisht i hapur për periudhën e mbetur të armëpushimit,” shkroi ministri i Jashtëm iranian, Seyed Abbas Araghchi, në një postim në platformën X.
Presidenti amerikan Donald Trump deklaroi të enjten se Izraeli dhe Libani kanë rënë dakord për një armëpushim 10-ditor.
