Ministri i Drejtësisë në takim me homologun gjeorgjian: Dialog dhe bashkëpunim për një drejtësi më efikase

Ministri i Drejtësisë i Maqedonisë së Veriut zhvilloi një takim bilateral me homologun e tij nga Gjeorgjia, Paata Salia, në margjinat e Samitit Ndërkombëtar të Drejtësisë në Stamboll.
Sipas njoftimit të ministrit, në qendër të bisedës ishin mundësitë për thellimin e bashkëpunimit mes dy vendeve, shkëmbimi i përvojave në proceset reformuese dhe sfidat me të cilat përballen sistemet e drejtësisë.
Vëmendje e veçantë iu kushtua forcimit të sundimit të ligjit, avancimit të standardeve në drejtësi dhe bashkëpunimit ndërinstitucional.
Ministri theksoi se dialogu i drejtpërdrejtë dhe shkëmbimi i praktikave të mira krijojnë mundësi për partneritete të reja, duke kontribuar në një drejtësi më efikase, transparente dhe të besueshme.