Kryetari i Kuvendit, Afrim Gashi: Kuvendi miratoi ndryshimet dhe plotësimet e Buxhetit për vitin 2026
Kuvendi i Republikës së Maqedonisë së Veriut, në seancën e sotme plenare, miratoi ndryshimet dhe plotësimet e Buxhetit për vitin 2026.
Seanca u drejtua nga Kryetari i Kuvendit, Afrim Gashi, ndërsa me miratimin e këtyre ndryshimeve u përmbyll procedura parlamentare për rishikimin e buxhetit, me qëllim përshtatjen e tij me nevojat dhe prioritetet aktuale të shtetit.
Kuvendi vazhdon të ushtrojë rolin e tij në miratimin e akteve kyçe ligjore dhe financiare, duke siguruar funksionimin institucional dhe mbështetjen e politikave zhvillimore për qytetarët dhe ekonominë e vendit.
