Guterres thotë se superfuqitë duhet të pranojnë se “fuqia e tyre nuk është edhe aq super”
Sekretari i Përgjithshëm i OKB-së, Antonio Guterres, në fjalimin e tij drejtuar Asamblesë së Përgjithshme, ai u tha superfuqive të pranonin “se fuqia e tyre nuk është aq e jashtëzakonshme”.
Vitet e fundit e kanë bërë të qartë se “vetëm fuqia ushtarake nuk mund të sigurojë paqen”, tha ai, citon AP.
Guterres bëri thirrje për “një botë të ndërtuar mbi ndërvarësinë”, ndërsa mban fjalimin e tij të fundit para Asamblesë së Përgjithshme të liderëve botërorë.
Udhëheqësi i OKB-së u është lutur prej kohësh udhëheqësve që të mos heqin dorë nga bashkëpunimi dhe vendimmarrja e përbashkët përballë sfidave globale në rritje dhe konkurrencës në rritje midis fuqive të mëdha. Mesazhi i së martës mori një urgjencë shtesë sepse ai largohet nga detyra në fund të këtij viti.
“Vijat e ndarjes në botën tonë po zgjerohen”, tha ai, duke përmendur përçarjet gjeopolitike, luftërat, ndryshimet klimatike dhe inteligjencën artificiale.
Por, në vend që të lihej e ardhmja të vazhdonte të anonte drejt fragmentimit, transaksionalizmit dhe mosbesimit, ai bëri thirrje për “një botë të ndërtuar mbi ndërvarësinë – dhe të mbështetur nga një rrjet i dendur lidhjesh ekonomike, politike, sociale dhe teknologjike”.
Mbledhja vjetore e nivelit të lartë në Asamblenë e Përgjithshme të OKB-së do të përqendrohet në luftërat në Iran , Gaza , Ukrainë, Sudan , Kongo dhe Mianmar.
