Gjermania deri në vitin 2029 mund të përballet me mungesë të 723.000 punëtorëve të kualifikuar

Gjermania deri në vitin 2029 mund të përballet me mungesë prej rreth 723 mijë punëtorësh të kualifikuar, që është pothuajse dyfishi i mungesës së regjistruar prej rreth 370 mijë punëtorësh në vitin 2025. Këto janë të dhënat e studimit më të fundit të Institutit për Ekonominë Gjermane (IW), i cili është i lidhur me punëdhënësit.

Sipas projeksioneve të IW, mungesa më e madhe në vitin 2029 pritet të jetë në sektorin e shitjeve, ku mund të mbeten të paplotësuara rreth 39.100 vende pune. Të prekura rëndë do të jenë edhe sektorët e kujdesit për fëmijët dhe arsimit, me një mungesë të parashikuar prej 29.900 punëtorësh, si dhe puna sociale dhe pedagogjia sociale, ku pritet të mungojnë rreth 23.600 persona.

Në sektorin e shëndetësisë dhe kujdesit mund të mungojnë rreth 18.700 punëtorë, ndërsa në fushën e instalimeve elektrike mungesa vlerësohet në rreth 17.400 kuadro të kualifikuara.

Autori i studimit, Aleksander Burstedde, rritjen e ndjeshme të mungesës së fuqisë punëtore pjesërisht e lidh me valën e madhe të punëtorëve që në vitet e ardhshme do të dalin në pension. Në të njëjtën kohë, në tregun e punës po hyjnë shumë pak të rinj, ndërsa Gjermania po përballet edhe me vështirësi gjithnjë e më të mëdha për të tërhequr punëtorë nga jashtë.
Në sektorin e shëndetësisë dhe kujdesit mund të mungojnë rreth 18.700 punëtorë, ndërsa në fushën e instalimeve elektrike mungesa vlerësohet në rreth 17.400 kuadro të kualifikuara.

Autori i studimit, Aleksander Burstedde, rritjen e ndjeshme të mungesës së fuqisë punëtore pjesërisht e lidh me valën e madhe të punëtorëve që në vitet e ardhshme do të dalin në pension. Në të njëjtën kohë, në tregun e punës po hyjnë shumë pak të rinj, ndërsa Gjermania po përballet edhe me vështirësi gjithnjë e më të mëdha për të tërhequr punëtorë nga jashtë.