Franca thirrje Izraelit të respektojë armëpushimin në Liban, kërkon nga SHBA-ja të ushtrojë “presionin e nevojshëm”

Ministri francez i Punëve të Jashtme, Jean-Noel Barrot, ka deklaruar se Izraeli duhet të respektojë angazhimet në kuadër të armëpushimit në Liban dhe i bëri thirrje SHBA-së të ushtrojë “të gjithë presionin e nevojshëm” për të siguruar zbatimin e tyre, transmeton Anadolu.

“Parimi i parë i marrëveshjes është ndërprerja e armiqësive në të gjitha frontet, përfshirë Libanin”, tha Barrot për Franceinfo, duke shtuar se zbatimi kërkon vazhdimin e diskutimeve në nivel teknik pas zhvillimeve të fundit diplomatike në Evropë.

Ai tha se prioriteti tani është të sigurohet zbatimi i plotë i hapave përfundimtarë të marrëveshjes, përfshirë masat që lidhen me stabilitetin rajonal dhe garancitë e sigurisë.

Barrot paralajmëroi se pa një marrëveshje, rajoni rrezikon paqëndrueshmëri të zgjatur, duke shtuar se marrëveshja është e nevojshme për të parandaluar përshkallëzim të mëtejshëm dhe pasojat ekonomike të lidhura me rrugët energjetike.

Ai theksoi se Franca do të mbetet e angazhuar në përpjekjet diplomatike dhe koordinimin me partnerët ndërkombëtarë teksa zbatimi i marrëveshjes ecën përpara.