Formula 1/ Antonelli dominon Monte Carlon dhe shkëputet në krye të kampionatit
Ngasësi i skuderisë së Mercedesit, Kimi Antonelli, e ka fituar të dielën garën e pestë rresht të sezonit në Formula 1.
Antonelli shkëlqeu edhe në garën Grand Prix që u zhvillua në Monaco.Ishte ditë dramatike në Monaco, pasi Max Verstappen, Lando Norris dhe Charles Leclerc, mbetën jashtë garës.
19-vjeçari Antonelli me këtë sukses u bë ngasësi më i ri që e fiton garën në Monaco.
Lewis Hamilton i Ferrarit e siguroi podiumin në pozitën e dytë, ndërsa Isak Hadjar i Red Bullit, përfundoi i treti.
Antonelli i prin listës së ngasësve me 156 pikë. Hamilton i Ferrarit me garën e së dielës ka dalë i dyti me 90 pikë, ndërsa ngasësi tjetër i skuderisë së Mercedesit, Russell, është i treti me 88 pikë. Leclerc ka mbetur prapa, i katërti, me 75 pikë.
Gara e javës së ardhshme në Formula 1 do të jetë në Barcelonë.
