Dodik dënohet me një vit burg dhe 6 vite ndalesë për t’u marrë me politikë
Gjykata në Bosnjë dhe Hercegovinë shpalli fajtor presidentin e Republikës Srpska, Milorad Dodik, dhe e dënoi me një vit burg dhe gjashtë vjet ndalim për t’u marrë me politikë. Drejtori i Gazetës Zyrtare, Milosh Lukiç, u shpall i pafajshëm.
Dodik, as avokati i tij, nuk ishin të pranishëm gjatë shpalljes së dënimit. Dodik ishte në Kuvendin e Republikës Srpska në atë moment dhe menjëherë më pas iu drejtua mbështetësve të tij, të cilët ishin mbledhur para ndërtesës.
Dodik u dënua për minimin e rendit kushtetues të BiH dhe mosrespektimin e nenit 8 të Marrëveshjes së Daytonit.
