Ankara, fillon samiti i 13-të i krerëve të shteteve të Organizatës së Shteteve Turke
Samiti i 13-të i Këshillit të Krerëve të Shteteve të Organizatës së Shteteve Turke (OTS) filloi sot në kryeqytetin e Turqisë, Ankara, transmeton Anadolu.
I organizuar nga presidenti turk Recep Tayyip Erdogan, nën temën “Shekulli Turk: Unitet në Gjuhë, Mendim dhe Veprim”, samiti nisi me mbledhjen e liderëve për një foto familjare.
Erdogan mirëpriti liderët pjesëmarrës me mbërritjen e tyre në Sallën Kombëtare të Ekspozitave në Bestepe.
Në foton familjare morën pjesë Erdogan, presidenti i Kazakistanit Kassym-Jomart Tokayev, presidenti i Uzbekistanit Shavkat Mirziyoyev, presidenti i Kirgistanit Sadyr Japarov, ministri i Jashtëm i Azerbajxhanit Jeyhun Bayramov, presidenti i Turkmenistanit Serdar Berdimuhamedov si dhe Tufan Erhurman nga Republika Turke e Qipros Veriore (në cilësinë e shtetit vëzhgues), së bashku me Sekretarin e Përgjithshëm të OTS-së, Kubanychbek Omuraliev.
Liderët pjesëmarrës u pritën në hyrje të Sallës Kombëtare të Ekspozitave në Bestepe nga ushtarë që mbanin flamujt e 16 shteteve historike turke si dhe nga ushtarë të veshur me uniformat tradicionale të jeniçerëve.
