Aktivistët bllokojnë selinë e Chubb në Londër për lidhje të dyshuara me prodhuesin izraelit të armëve
Aktivistë nga grupi “People Against Genocide” kanë bllokuar selinë qendrore në Londër të gjigantit të sigurimeve Chubb, në shenjë proteste ndaj, siç thonë ata, lidhjeve të kompanisë me prodhuesin izraelit të armëve Elbit Systems.
“Sot në mëngjes, dy aktivistë nga grupi People Against Genocide u lidhën dhe bllokuan hyrjen kryesore të selisë së Chubb,” thuhet në një deklaratë të grupit.
Kjo është hera e pestë që grupi ndërmerr veprime kundër Chubb, duke pretenduar se kompania është në shënjestër për shkak se siguron UAV Engines të Shenstone në Staffordshire, një degë e “kompanisë më të madhe izraelite të armëve, Elbit Systems”.
Sipas tyre, kjo kompani prodhon “85 për qind të flotës së dronëve vrasës të ushtrisë izraelite, si dhe pajisje ushtarake tokësore”.
Elbit është kompania më e madhe private izraelite e armatimit dhe ka qenë objekt i disa protestave në kuadër të luftës së Izraelit në Gaza.
“Pa sigurimin e ofruar nga kjo kompani [Chubb], operacionet kriminale të Elbit në Britani nuk do të ishin të mundura,” deklaroi grupi People Against Genocide.
