“Fushata shpifëse e Izraelit kundër gazetarëve të Gazës është një nga truket më të vjetra për të heshtur zërat palestinezë”

“Shpifja e Izraelit ndaj gazetarëve të Gazës si pjesë e Hamasit është një nga truket më të vjetra për të heshtur, delegjitimuar dhe frikësuar zërat palestinezë, apo për të justifikuar vrasjen e tyre me një ritëm të paparë në historinë moderne,” thuhet në një raport të revistës izraelite +972.

Raporti liston raste kur Izraeli ka shënjestruar gazetarë palestinezë, duke i akuzuar padrejtësisht se kanë lidhje me Hamasin.

I njëjti medium kishte zbuluar më herët se Izraeli pas sulmeve të 7 tetorit kishte ngritur një “Njësi të Legjitimimit” për të gjetur gazetarë nga Gaza që mund të paraqiteshin si operativë të Hamasit të maskuar, me qëllim që të ndihmohej justifikimi i veprimeve të ushtrisë në Gaza.

Të dielën, gazetari i Al Jazeera-s, Anas al-Sharif, tre kolegë të tij nga Al Jazeera dhe dy gazetarë të pavarur ishin viktimat më të fundit të një sulmi të qëllimshëm izraelit.