Drejtori i Postës viziton filialin në Dibër: “Do të mbështesim punën për shërbime më cilësore”
Drejtori i përgjithshëm i Postës së Maqedonisë së Veriut, Orhan Kurtishi, bashkë me zv.drejtorin e Drejtorisë së të Ardhurave Publike, Fisnik Mela, kanë vizituar sot filialin e Postës në Dibër.
“Gjatë vizitës u njohëm me sfidat dhe nevojat e të punësuarve në këtë filial,” tha Kurtishi. Ai shtoi se do të ketë bashkëpunim të ngushtë mes institucioneve për të përmirësuar cilësinë e shërbimeve.
“Shprehëm gatishmërinë tonë që, në bashkëpunim të ngushtë, të mbështesim punën e Postës me qëllim që qytetarët të përfitojnë shërbime sa më cilësore,” theksoi drejtori.
