Dy aksidente të rënda në rajonin e Tetovë, dy persona dërgohen në spital me lëndime të rënda
MPB njofton se me datë 23.07.2025 në orën 22:45 në SPB Tetovë është raportuar se në rrugën rajonale Tetovë–Kodra e Diellit ka ndodhur një aksident trafiku ndërmjet një veture “Mercedes” me targa nacionale të Kosovës, e drejtuar nga N.R. (41) nga Tetova, dhe një veture “Audi” me targa të Tetovës, e drejtuar nga I.J. (22) nga fshati Çellopek, Tetovë.
Në aksident, lëndime të rënda trupore ka marrë pasagjerja nga vetura “Audi” – B.Ç. (19) nga Tetova, të cilat janë konstatuar në Spitalin Klinik të Tetovës. Hetimin në vendin e ngjarjes e ka kryer një ekip i SPB Tetovë
Gjishashtu MPB njofton se me 23.07.2025 në orën 10:00 në SPB Tetovë është raportuar se në kryqëzimin e rrugës “Ilindenska” me rrugën “JNA” në Tetovë, M.R. (49) nga Tetova, duke drejtuar një motoçikletë “Honda” me targa të Tetovës, ka dalë nga rruga. Në aksident, M.R. ka pësuar lëndime të rënda trupore, të cilat janë konstatuar në Spitalin Klinik të Tetovës. Hetimin në vendin e ngjarjes e ka kryer një ekip i SPB Tetovë.
