Transmetuesi publik spanjoll bën thirrje për ‘debat’ mbi pjesëmarrjen e Izraelit në Eurovizion

Transmetuesi publik i Spanjës, RTVE, ka kërkuar hapjen e një debati mbi pjesëmarrjen e Izraelit në festivalin evropian të këngës Eurovizion, duke përmendur shqetësimin e opinionit publik për shkak të konfliktit të vazhdueshëm në Gaza.

Në një letër drejtuar Unionit Evropian të Transmetuesve (EBU), presidenti i RTVE-së, Jose Pablo Lopez, ka ritheksuar përkushtimin e Spanjës ndaj konkursit, por ka kërkuar nga organizata që të pranojë dhe të diskutojë shqetësimin e publikut lidhur me pjesëmarrjen e Izraelit përmes transmetuesit të saj, KAN.