Kryeministri spanjoll: Tarifat e Trump janë kthim në shekullin e 19, duhet të kundërpërgjigjemi…
Kryeministri spanjoll, Pedro Sanchez ka kritikuar tarifat “e paprecedentë” të SHBA-së, duke i quajtur ato si një kthim në “proteksionizmin e shekullit të 19-të”.
Sanchez ka propozuar një paketë të re prej 14.1 miliardë euro për të mbështetur ekonominë në përgjigje të lëvizjes së presidentit Trump.
Ai tha gjithashtu se Evropa duhet të vendosë një paketë kundër-tarifash dhe masash të tjera si përgjigje, dhe të krijojë një fond ndihme të financuar nga të ardhurat nga tarifat e vendosura ndaj SHBA-së në këmbim.
Sipas tij Evropa tani përballet me një sulm tregtar nga Perëndimi, ashtu siç i përgjigjet një sulmi ushtarak nga Rusia në Lindje.
