DASH: Funksionet e USAID-it duhet të përputhen me politikën e jashtme të SHBA-së
Departamenti Amerikan i Shtetit edhe zyrtarisht ka njoftuar për ndërprerjen e ndihmave ndërkombëtare që SHBA-ja ka ndarë për shtetet perms USAID-it. Kjo për shkak se administrata Trump ka vlerësuar që USAID-i ka kohë që është larguar nga avancimi i interesave amerikane jashtë vendit.
Njoftimi i DASH-it:
Agjencia e Shteteve të Bashkuara për Zhvillim Ndërkombëtar (USAID) ka kohë që është larguar nga misioni i saj origjinal i avancimit me përgjegjësi të interesave amerikane jashtë vendit, dhe tani është mjaft e qartë se pjesë të rëndësishme të financimit të USAID nuk janë në përputhje me interesat thelbësore kombëtare të Shteteve të Bashkuara.
Si një hap i përkohshëm drejt fitimit të kontrollit dhe kuptimit më të mirë mbi veprimtarinë e agjencisë, Presidenti Donald J. Trump emëroi sekretarin Marco Rubio si administrator në detyrë.
Sekretari Rubio gjithashtu ka njoftuar Kongresin se një shqyrtim i aktiviteteve të ndihmës së huaj të USAID po zhvillohet me një sy drejt riorganizimit të mundshëm.
Ndërsa vlerësojmë USAID-in dhe sigurojmë që është në përputhje me një agjendë të “Amerika e para” dhe përpjekjet e Departamentit të Shtetit, ne do të vazhdojmë të mbrojmë interesat e popullit amerikan dhe të sigurojmë që paratë e taksave të tyre të mos harxhohen.
