Kryeparlamentari Gashi merr pjesë në konferencën e organizuar nga Ambasada e Sllovenisë

Kryetari i Kuvendit, Afrim Gashi ka njoftuar se ka marrë pjesë në konferencën “Nga Sllovenia në Maqedoninë e Veriut: Sinergjia e arsimit dhe biznesit,” e organizuar nga Ambasada e Sllovenisë, Organizata Studentore Maqedonase në Slloveni dhe Shoqata e Biznesmenëve Sllovenë dhe Maqedonas, me ftesë nga ambasadori slloven Gregor Presker.
“Kjo konferencë shërbeu si një platformë e rëndësishme për të bashkuar studentë, përfaqësues të institucioneve dhe biznesit, me qëllim të diskutimit të sfidave aktuale dhe gjetjes së zgjidhjeve që do të ndihmojnë në përmirësimin e demografisë dhe kthimin e të rinjve në vend. Nëpërmjet dialogut konstruktiv dhe ideve të ndara, jemi të vendosur të punojmë së bashku për të krijuar mundësi dhe kushte më të mira për të rinjtë tanë, duke kontribuar kështu në zhvillimin e qëndrueshëm të vendit tone”, ka shkruar kryeparlamentari Gashi.