‘Bota duhet ta ndalë Izraelin’: Palestinezët kërkojnë ndihmë pas masakrës së Gazës
Fraksionet palestineze kanë dënuar ashpër “masakrën e tmerrshme” të kryer nga ushtria izraelite kundër palestinezëve të zhvendosur që kërkojnë strehim në shkollën Al Taba’een në lagjen Al Daraj, në qendër të Gazës.
Sulmi, i cili kishte në shënjestër besimtarët civilë që kryenin namazin e sabahut, vrau mbi 100 palestinezë dhe plagosi disa të tjerë.
Lëvizja e Xhihadit Islamik e etiketoi sulmin si një “krim lufte të plotë” dhe tha: “Zgjedhja e kohës së namazit të sabahut për të kryer këtë masakër të tmerrshme dhe mizore konfirmon se armiku kishte për qëllim të shkaktonte numrin më të madh të mundshëm të viktimave (dëshmorë) në mesin e civilëve, përfshirë fëmijët dhe të moshuarit”.
Grupi palestinez Hamasi lëshoi gjithashtu një deklaratë duke dënuar “masakrën”, dhe e quan atë “një krim të rëndë kundër njerëzimit”.
#BREAKING: Death toll from Israeli bombardment on a school in Gaza City sheltering displaced people soars to 100, with dozens more wounded — Palestine's WAFA news agency
Follow our live coverage👇https://t.co/LZwPPmMDJ6 pic.twitter.com/UHASyBBduG
— TRT World (@trtworld) August 10, 2024
Lëvizja theksoi se ky incident është pjesë e një “modeli më të gjerë dhune, duke përfshirë sulmet e mëparshme në spitale dhe ndërtesa banimi”.
Zëdhënësi i Fatah-ut, Munther Al-Hayek tha se sulmi është “një krim i urryer kundër civilëve të zhvendosur” dhe i bëri thirrje bashkësisë ndërkombëtare që të ndërhyjë menjëherë.
“Gjaku i fëmijëve i thërret ndërgjegjes globale për të ndaluar gjenocidin që po kryhet nga Izraeli në Gaza”, tha Hayek.
Fronti Demokratik për Çlirimin e Palestinës (DFLP) gjithashtu dënoi “masakrën”, duke argumentuar se “krime të tilla mund të kryheshin nga Izraeli vetëm për shkak të mbështetjes politike dhe ushtarake” që merr nga SHBA dhe “heshtjes së shurdhët” të komunitetit ndërkombëtar.
The Israeli army admits responsibility for a strike that killed at least 100 people in a school housing displaced Palestinians in Gaza City, calling it a "precise strike"
Follow our live coverage👇https://t.co/HGa1F8OJUn pic.twitter.com/G5pkIbCcdo
— TRT World (@trtworld) August 10, 2024
Një skenë masakrimi
Dëshmitarët raportuan se tre raketa shënjestruan zonën e lutjes duke e kthyer atë në një skenë masakrimi, me trupa të djegur dhe copa të shpërndara.
Zyrtarët lokalë të mbrojtjes civile thanë se ushtria izraelite gjuajti tre raketa mbi shkollën, duke e rrafshuar ndërtesën. Ata thanë se ende nuk kanë arritur t’i lokalizojnë të gjitha viktimat.
Me bombardimin e shkollës Al Taba’een, numri i përgjithshëm i shkollave të shënjestruara nga ushtria izraelite në qytetin e Gazës gjatë javës së kaluar është rritur në gjashtë, sipas një raporti të Anadolu.
Zyra mediatike e Palestinës në Gaza e quajti Izraelin dhe SHBA-në “përgjegjëse për masakrën”.
Pavarësisht thirrjeve të enjten nga ndërmjetësit, duke përfshirë Egjiptin, SHBA-në dhe Katarin, për të ndaluar armiqësitë, për të arritur një armëpushim dhe një marrëveshje për shkëmbimin e pengjeve, Izraeli vazhdon me ofensivën e tij vdekjeprurëse në Gaza. /TRTworld/
