Vazhdon polemika se kush duhet ta kositë barin, Arsovska me akuza të reja për Xhaferin
Kanë kaluar disa ditë nga zënka publike mes kryeministrit teknik Talat Xhaferi dhe kryetares së qytetit të Shkupit, Danella Arsovska, lidhur me kositjen e barit para dhe rreth objektit të Qeverisë. Që nga ajo ditë, lere që bari nuk është kositur, por shihet se bari është rritur edhe më shumë.
Ndërkohë sot për këtë çështje ka reaguar edhe kryetarja e Qytetit të Shkupit, Danella Arsovska.
“Kryeministri në detyrë Talati nga Forina dha udhëzime për një sulm të ri nga njëfarë sekretari i Qeverisë, i cili po ashtu nuk e di se çfarë është puna e tij.
Ata dinë që para disa ditësh të lidhin një kontratë 2,2 milionë euro për të marrë me qira makina luksoze për ta vozitur Talatin, por nuk dinë të kositin barin në oborrin e tyre.
U kujtojmë kontratën që kanë lidhur për mirëmbajtjen dhe kositjen e oborrit të Qeverisë për 330 mijë euro!
Për median e “pavarur”, më lejoni të theksoj se ky nuk është një debat se e kujt është kompetenca, se është e qartë, qeveria duhet të zgjidhet vetë.
Për mediat e rralla që hetuan se një kompani e caktuar TRISTA GROUP kërkon çdo vit MILIONA EURO nga institucionet shtetërore për kositje dhe lule, në vend që të punësojë një kompani publike për një shumë dhjetë herë më të ulët.
Dhe edhe një herë, nuk e di si funksionon në Forinë, por në Shkup NUK do të ketë njeri tjetër që ta mirëmbajë oborrin tuaj, do të duhet ta bëni vetë!”, thotë Arsovska.
