Gashi nga Zvicra: Jemi për ta ndryshuar jetën e shqiptarëve të Maqedonisë së Veriut
Gjatë fjalimit të tij para mërgatës shqiptare në Cyrih të Zvicrës, kryetari i Alternativës, Afrim Gashi përmendi rolin jetik që mërgata shqiptare ka luajtur në dekadat e kaluara për çështjen kombëtare.
Ai shtoi se është esenciale që në Maqedoninë e Veriut të bëhet ndryshimi më 24 prill dhe 8 maj.
“Me këtë bashkim që kemi bërë, 5 subjekte politike, bashkë me mërgatën 6 subjekte politike, është sihariqi për ndryshim në Maqedoninë e Veriut. Ne nuk e kemi qëllimin vetëm të bëjmë rotacion politik, të ndërrohen emrat dhe mbiemrat e njerëzve që ti zëvendësojmë pozitat me pushtet. Ne jemi jashtëzakonisht të interesuar dhe për këtë arsye jemi bërë bashkë, që ta ndryshojmë jetën e shqiptarëve të Maqedonisë së Veriut”, deklaroi Gashi.
