13 vjeçari plagosë 3 bashkëmoshatarë në shkollë në Finlandë

Tre fëmijë 13 vjeç u plagosën në të shtënat e një bashkëmoshatari të tyre në një shkollë në qytetin finlandez Vantaa pranë Helsinkit.

Policia ka njoftuar se ngjarja ka ndodhur pak para orës 9 të mëngjesit me orën lokale, dhe u tha banorëve vendas të mos qëndronin jashtë.

Sulmuesi i dyshuar, 13-vjeçari që ishte nxënës i shkollës ku ka ndodhur gjuajta, është arrestuar.

Dëshmitarët okularë thanë se dy autoambulanca janë larguar nga vendi i ngjarjes.

“Rreziku i menjëhershëm ka kaluar”. Të plagosurit janë transportuar në spital”, tha zëdhënësi i policisë.

Të shtënat kanë ndodhur pasi nxënësit janë kthyer në shkollë pas festave të Pashkëve.