I dështon protesta në Tetovë, Ali Ahmeti ndërpret transmetimin live në Facebook
Protesta e thirrur nga BDI në Tetovë nuk arriti të mobilizojë numrin e qytetarëve që pritej, ndërsa vëmendje tërhoqi edhe veprimi i kryetarit të partisë, Ali Ahmeti, i cili ndërpreu transmetimin e drejtpërdrejtë në Facebook gjatë zhvillimit të protestës.
Sipas pamjeve nga vendi i ngjarjes, pjesëmarrja ishte dukshëm më e ulët se pritshmëritë, ndërsa në protestë u panë edhe pjesëmarrës të ardhur nga qytete të tjera.
Ndërkohë, transmetimi live i Ahmetit në rrjetin social Facebook u ndërpre pas pak minutash, duke tërhequr vëmendjen e ndjekësve. BDI e kishte organizuar protestën si reagim ndaj vendimit për shfuqizimin e emrave të rrugëve në Tetovë.
