Japonia miraton një buxhet shtesë prej 19 miliardë dollarësh për të zbutur inflacionin e nxitur nga konflikti me Iranin
Kabineti i Japonisë ka miratuar një buxhet suplementar prej 19 miliardë dollarësh për të ndihmuar familjet që përballen me rritjen e shpejtë të kostos së jetesës, të nxitur nga lufta SHBA-Izrael kundër Iranit, raportoi agjencia AFP.
Zyra e kryeministres Sanae Takaichi bëri të ditur se buxheti shtesë u vendos zyrtarisht gjatë një mbledhjeje të mbajtur të mërkurën në mëngjes.
“Në kushtet e pasigurisë së vazhdueshme në Lindjen e Mesme, ne e kemi hartuar këtë buxhet me synimin për të minimizuar rreziqet,” tha zëdhënësi i qeverisë Minoru Kihara.
Takaichi deklaroi muajin e kaluar se ky buxhet shtesë do të përdoret për të zbutur rritjen e çmimeve të karburantit, energjisë elektrike dhe gazit.
