Nusret Haliti është zgjedhur në postin e drejtorit të Agjencisë për Komunikime Elektronike
Sot është zgjedhur drejtori i Agjencisë për Komunikime Elektronike (AKE), një prej institucioneve më të rëndësishme rregullatore në vend, me buxhet të konsiderueshëm dhe paga të larta.
Inxhinieri i Elektroteknikës, Nusret Haliti nga Tetova është zgjedhur për të udhëhequr me këtë Agjenci, informon “tetova1”.
Nusret Haliti është Magjistër i Shkencave në Sisteme të Integruara Mikrokompjuterike dhe i diplomuar në Elektronikë dhe Telekomunikacion në Fakultetin e Inxhinierisë Elektrike dhe Teknologjive të Informacionit, pranë Universitetit “Shën Kirili dhe Metodi” – Shkup.
Agjencia luan një rol të rëndësishëm në rregullimin e tregut të telekomunikacionit, mbikëqyrjen e operatorëve dhe sigurimin e konkurrencës së ndershme, si dhe në mbrojtjen e interesave të qytetarëve dhe kompanive.
