Një grua nga Vinica i dha 12.400 euro një mjeku të rremë për “operacionin e nuses”
Më 09.01.2026, rreth orës 15:00, në Stacionin Policor të Vinicës, një grua 67-vjeçare nga Vinica ka raportuar se është mashtruar nga një person për shumën prej 12.400 eurosh.
Sipas kallëzimit, personi e ka kontaktuar atë në telefon, është prezantuar si mjek dhe i ka thënë se nusja e djalit të saj kishte pësuar një lëndim të rëndë në vendin e punës dhe se nevojiteshin para për të kryer një operacion.
Siç është raportuar, ajo i ka tërhequr paratë nga banka dhe i ka lënë në vendin e treguar nga personi, por më vonë ka kuptuar se ishte viktimë e një mashtrimi.
Po ndërmerren masa për zbardhjen e plotë të rastit.
