Formula 1/ Dramë një garë nga fundi, Verstappen fiton në Katar dhe synon titullin kampion

Max Verstappen fitoi Çmimin e Madh të Katarit dhe ngushtoi diferencën në renditjen e kampionatit botëror të Formula 1. Fituesi i Red Bull triumfoi përpara dyshes së McLaren, të cilët vendosën të mos ndalonin gjatë periudhës së makinës së sigurisë.

Oscar Piastri, i nisur nga “pole position”, e mbylli garën në vendin e dytë. Piloti tjetër i McLaren, Lando Norris siguroi vendin e katërt pas një dueli me Kimi Antonellin, ndërsa ky i fundit u klasifikua i pesti.
Carlos Sainz avancoi ndjeshëm duke kaluar nga vendi i shtatë në të tretin, për të plotësuar podiumin.

Russell, Alonso dhe Leclerc përfituan pozicione për rezultate brenda zonës së pikëve. Shtatë fitoret e Verstappen këtë sezon e çojnë atë 12 pikë pas Norrisit para garës së fundit në Abu Dhabi.

Piastri qëndron gjithashtu në luftë, me vetëm 16 pikë më pak nga shoku i skuadrës.