Trump zotohet të zgjidhë konfliktin mes Koresë së Veriut dhe Koresë së Jugut
Presidenti i SHBA-së, Donald Trump, është zotuar t’i japë fund konfliktit në Gadishullin Korean.
“E di që zyrtarisht jeni në luftë, por do të shohim çfarë mund të bëjmë për ta zgjidhur të gjithë këtë”, tha ai gjatë një takimi me Presidentin e Koresë së Jugut, Lee Jae Myung.
“Dhe ju e dini që unë do të punoj shumë për këtë me ju, me ekipin tuaj, me shumë njerëz të tjerë, për të parë nëse mund të bëjmë diçka që ka kuptim”, tha udhëheqësi amerikan, duke folur për zgjidhjen e konfliktit midis Koresë së Veriut dhe Koresë së Jugut.
Lufta Koreane filloi më 25 qershor 1950 dhe përfundoi më 27 korrik 1953 (de facto pasi nuk është nënshkruar kurrë asnjë traktat paqeje). Përveç Koresë së Veriut dhe Koresë së Jugut, në konflikt morën pjesë vullnetarë kinezë që luftuan në anën e Phenianit dhe Ushtria Amerikane që luftoi nën flamurin e OKB-së në anën e Seulit. Pheniani u mbështet gjithashtu nga BRSS. Lufta përfundoi me një armëpushim, por një traktat paqeje ende nuk është nënshkruar.
