Zjarri përfshin një ndërtesë në Bruksel, vazhdojnë kërkimet për viktima të mundshme
Një zjarr shpërtheu sot në mëngjes në një pallat apartamentesh në Avenue Louise në Bruksel të Belgjikës, duke bërë që zjarrfikësit të kontrollonin ndërtesën për viktima të mundshme, njoftuan autoritetet, transmeton Anadolu.
Departamenti i Zjarrfikësve të Brukselit u njoftua për flakët rreth orës 5:35 të mëngjesit sipas kohës lokale, sipas zëdhënësit Walter Derieuw, i cituar nga transmetuesi VRT.
Zjarri është shuar që atëherë, por mbetet e paqartë nëse ka patur viktima.
“Në këtë moment, ne ende po kërkojmë në ndërtesë për viktima të mundshme”, tha Derieuw.
Një pjesë e Avenue Louise u mbyll për shkak të incidentit, duke shkaktuar ndërprerje në transportin publik.
Autoritetet nuk kanë dhënë ende detaje të mëtejshme mbi shkakun e zjarrit ose viktimat e mundshme.
